Enginn er nú með greint COVID smit á Austurlandi. Aðgerðastjórn hvetur íbúa sem fyrr að fara varlega þrátt fyrir afléttingar á takmörkunum, að fylgja þeim reglum sem til staðar eru og gæta vel að persónubundnum sóttvörnum. Hún áréttar ekki síst mikilvægi þessa þegar farið er á milli landsvæða þar sem mannsöfnuður er nokkur, svo sem á íþróttakappleikjum, skíðamótum og svo framvegis. Gætum að okkur og komumst þannig frísk og heil gegnum þennan skafl og inn í sumarið.