Aðgerðastjórn finnur fyrir létti íbúa vegna jákvæðrar þróunar COVID mála og haftalosunar. Sú þróun mun vonandi halda áfram.

Til að stuðla að henni hvetur aðgerðastjórn íbúa til að hafa varann á sem fyrr og fylgja öllum þeim leiðbeiningum sem enn eru til staðar. Bent er á að hjarðónæmi er ekki fyrir hendi og við því jafn útsett fyrir smiti og í upphafi faraldursins.

Aukin ferðalög og hreyfingar fólks milli landshluta, á lofti, láði eða legi, auka einnig hættu á smiti.

Höldum því áfram að gæta okkar, fylgjum tveggja metra reglunni, munum handþvottinn og munum sprittið. Þannig tryggjum við okkur sjálf og þá sem í kringum okkur eru og stuðlum jafnframt að áframhaldandi auknu frjálsræði í leik og starfi.

Gerum þetta saman, ekki síður nú en fyrir 4. maí.