Menningarerfðir eru til dæmis þekking og kunnátta sem tengist reykingu, söltun og súrsun matvæla; hestamennsku, sauðfjárbúskap, vefnaði, kveðskap, þjóðdansi, þjóðbúningum, útskurði og eggjatöku; kæsa hákarl, smíða trébát og vinna með ull. 

Fundirnir eru haldnir í tengslum við verkefni sem menntamálaráðuneytið stendur að og er markmið þeirra að:

• Koma af stað umræðu um menningarerfðir.
• Fá hugmyndir um menningarerfðir sem fólkinu í landinu finnst mikilvægt að vernda.
• Leita eftir upplýsingum um félög/hópa/einstaklinga sem starfa á sviði menningarerfða.
• Kynna sáttmála UNESCO um verndun menningarerfða en lykilatriði hans er að við sem landið byggjum segjum til um hvað eru menningarerfðir okkar og hvernig best sé að vernda þær.

Fundurinn á Reyðarfirði fer fram föstudaginn 27. nóvember kl. 16:00 í Fróðleiksmolinn, Búðareyri 1.
Sjá fasbókarviðburð

Aðrir fundartímar eru 26. nóvember á Vopnafirði, Sambúð, salur eldri borgara kl. 16:15 og 28. nóvember á Egilsstöðum, Austurbrú, Tjarnarbraut 39a, kl. 13:00.

Fundastjóri er dr. Guðrún Ingimundardóttir.