Fulltrúar grunnskólakennara í Fjarðabyggð afhentu Páli Björgvini Guðmundssyni, bæjarstjóra, undirskriftir sem safnast hafa á landinu öllu vegna kjaramála kennara.
16.11.2016
Undirskriftalistar kennara afhentir
Um þrjú þúsund undirskriftir söfnuðust sem samsvarar rúmlega 60% starfandi kennara hér á landi, ásamt 200 undirskriftum kennaranema.
Afhendingin fór fram á bæjarskrifstofu Fjarðabyggðar sl. föstudag og fylgdu tæplega 30 grunnskólakennarar málinu eftir f.h. kennara í Fjarðabyggð.
Áður en bæjarstjóri tók við undirskriftunum las Svanhvít Yngvadóttir, kennari við Grunnskóla Eskifjarðar, upp kröfugerð kennara. Krafist er þess í meginatriðum, að brugðist verði við því ástandi sem skapast hefur í skólamálum vegna óánægju kennara með kjör sín.