Miðvikudaginn 1. mars var haldið Ungmennaþing fyrir alla nemendur í 7. til 10. bekk úr grunnskólum í Fjarðabyggðar. Ungmennaþingið var haldið í Grunnskóla Fáskrúðsfjarðar og komu rúmlega 200 nemendur á staðinn með rútum. Ungmennaráð Fjarðabyggðar skipulagði viðburðinn í tengslum við verkefnið Barnvænt sveitarfélag.
Ungmennunum var skipt niður í málstofur þar sem eftirfarandi umræðuefni voru tekin fyrir: skólaforðun, íþróttir og tómstundir í Fjarðabyggð, umhverfi og samgöngur og líðan barna í grunnskólum Fjarðabyggðar. Líflegar umræður mynduðust og verða niðurstöðurnar birtar á heimasíðu Fjarðabyggðar þegar þær liggja fyrir. Niðurstöðurnar verða einnig nýttar í aðgerðaráætlun stýrihóps barnvæns sveitarfélags.
Að lokum borðuðu ungmennin pizzur saman áður en haldið var heim.
