Útgáfuhóf Sögu Fáskrúðsfjarðar fór fram í gær í félagsheimilinu Skrúði Fáskrúðsfirði, fimmtudaginn 14. September. Húsfyllir var, þar sem boðið var uppá léttar veitingar, tónlist frá nemendum Tónlistaskóla Fáskrúðs- og Stöðvarfjarðar. Auk þess lásu þær Berglind Ósk og Arnfríður Eide valda kafla úr bókinni.
16.09.2022
Útgáfuhóf Sögu Fáskrúðsfjarðar
![Útgáfuhóf Sögu Fáskrúðsfjarðar Útgáfuhóf Sögu Fáskrúðsfjarðar](/media/salur.jpg?w=600)
Bæjastjóri Fjarðabyggðar Jón Björn Hákonarson, Smári Geirsson höfundur Sögu Fáskrúðsfjarðar og Guðmundur Þorgrímsson formaður Sögufélagsins fluttu ávörp.
Fáskrúðfjarðarsaga er gefin út í þremur bindum og í henni er fjallað um fjölmarga efnisþætti og má þar nefna þróun byggðarinnar, málefni hreppa, sjávarútveg, landbúnað, verslun, starfsemi mikilvægra stofnanna og félags- og menningarmál. Um 850 myndir eru í verkinu og eiga þær sinn þátt í því að gera það áhugavert.
Bókaútgáfan Hólar gáfu út Sögu Fáskrúðsfjarðar.
Myndir: Stefán Þór Jónsson