Dagar myrkurs fóru vel fram þetta árið og þátttaka almennt góð. Hrekkjavakan er orðin órjúfanlegur þáttur af Dögum myrkurs og æ fleiri taka þátt í „grikk eða gott“ þar sem börn á öllum aldri sníkja nammi af nágrönnum. Hina árlegu ljósmyndakeppni vann Jón Einar Ágústsson sem sendi inn fallega mynd frá Djúpavogi.
29.11.2023
Vel heppnaðir Dagar myrkurs
Fjölmargir viðburðir fóru fram og er til eftirbreytni hvernig sumir byggðakjarnar setja saman heildardagskrá og ná þannig að hámarka samveruna, gleðina og sköpunarkraftinn í fjölbreyttum viðburðum fyrir alla aldurshópa.
Ljósmyndakeppnin var haldin að venju og voru átta ljósmyndarar sem sendu inn 54 myndir. Sigurvegarinn í ár var Jón Einar Ágústsson frá Djúpavogi sem sendi inn fallega mynd af gamla læknabústaðnum á Djúpavogi, Dölum, þar sem ljós og skuggar leika sér í fullkominni litadýrð.
Nú fer fram endurskoðun á aðgerðaáætlun fyrir Daga myrkurs en sú áætlun sem unnið hefur verið eftir fram til þessa rennur út í lok þessa árs. Til að fá fram skoðanir og hugmyndir íbúa Austurlands leggjum við fram könnun sem við vonumst til að sem flestir sjái sér fært að svara.
Meðfylgjandi er vinningsmynd ársins og vonumst við til þess að við öll njótum myrkursins áfram, lýsum það upp með ljósum og samveru.
Take part in a survey about our local festival, Days of Darkness
The local festival Days of darkness took place in the East at the beginning of November. The steering committee is currently woking on a new action plan, and is interested in getting the opinion of the residents of Austurland on the project. We therefore ask you to take part in shaping the festival going forward by filling out this short survey. The survey will be open until 8th of December.