Opnað hefur verið fyrir umsóknir um framlög sem veitt eru á grundvelli stefnumótandi byggðaáætlunar fyrir árin 2022-2036 vegna verkefna sem tengjast aðgerð A.9 Verslun í dreifbýli.
22.09.2023
Verslun í dreifbýli – auglýst eftir umsóknum
Markmið aðgerðarinnar er að styðja við rekstur dagvöruverslana í minni byggðarlögum fjarri stórum byggðakjörnum til að viðhalda mikilvægri grunnþjónustu. Annars vegar er hægt að sækja um rekstrarstyrk og hins vegar styrk til búnaðarkaupa.
Allt að 15 milljónum króna verður veitt vegna ársins 2024. Umsækjendur skulu taka mið af úthlutunarreglum innviðaráðherra og auglýsingu um styrkina. Sjá tengla hér að neðan.
Umsóknafrestur er til miðnættis sunnudagsins 5. nóvember 2023. Umsóknum skal skilað í gegnum rafrænt umsóknaform Byggðastofnunar. Þriggja manna valnefnd metur allar umsóknir og gerir tillögu til innviðaráðherra að úthlutun styrkja. Áætlað er að niðurstöður innviðaráðherra liggi fyrir í desember 2023.