Guðmundur Ingi Guðbrandsson, umhverfis- og auðlindaráðherra, vígði í dag ofanflóðavarnarmannvirki við farvegi Bleiksár, Hlíðarendaár og Ljósár á Eskifirði, ásamt bæjarstjóra og forseta bæjarstjórnar Fjarðabyggðar, ráðuneytisstjóra, fulltrúum ofanflóðanefndar og íbúum.
Framkvæmdir við gerð mannvirkjanna hófust árið 2014 og hefur verið unnið að þeim samfellt síðan. Við undirbúning framkvæmdanna var lögð áhersla á útlit mannvirkjanna, uppgræðslu og gerð göngustíga, þannig að mannvirkin myndu falla sem best að umhverfinu og jafnframt bæta aðstöðu fólks til útivistar. Unnið er að fleiri framkvæmdum á Eskifirði, bæði við farveg Lambeyrarár auk hönnunar varna við farveg Grjótár.
